IMF: Búskaparvøksturin verður 2,8 prosent um árið

Altjóða gjaldoyragrunnurin, IMF, væntar, at búskaparligi vøksturin í heiminum fer at vera um 2,8 prosent um árið, til síðst í 2020-unum. 

Felagsskapurin kunngjørdi í gjár part av eini størri frágreiðing, sum skal leggjast fram í næstu viku. Framskrivingar fyri vøksturin eru í hesum partinum. 

Vøksturin í heiminum er minkaður eftir fíggjarkreppuna, sum rakti í 2008. 

2,8 prosent eru munandi minni enn søguliga miðatalið.

Vitlíki

Tað er eisini minni enn framskrivingin hjá IMF fyri einum ári síðani.

IMF sigur, at vøksturin verður størri, um miðað verður av eftir størri framleiðslu og nýggjari tøknifrøði, eitt nú vitlíki.

Samstundis vísir IMF á, at vandi er fyri, at vitlíki kemur í staðin fyri menniskju í ávísum vinnugreinum.

Gjaldoyragrunnurin sigur eisini, at styrkt kapping, fríhandil og smidleiki á arbeiðsmarknaðinum kunnu økja um vøksturin í heimins bruttotjóðarúrtøku.