Jens Johan Dam nýggjur formaður í Betri

Jens Johan Dam nýggjur formaður í Betri
Á ársaðalfundinum hjá Ognarfelagi Tryggingartakaranna í gjárkvøldið var nýggj nevnd skipað. Aslaug Gisladóttir, sum hevur verið forkvinna síðan 2018, stillaði ikki uppaftur
 
13.04.2024 - 09:41

Tríggir av teimum seks nevndarlimunum í Betri stóðu fyri vali. Poula Michelsen varð afturvald.

Nýggj í nevndini eru Jens Johan Dam og Jákup Egholm Hansen.

Harumframt eru Mortan Simonsen, Petur Elias Nielsen og Tóra við Keldu í nevndini. Nevndin hevur skipað seg við Jens Johan Dam, sum formanni, og Poulu Michelsen sum næstforkvinnu.

Roknskapurin hjá Betri fyri 2023 vísir 381,9 milliónir kr. eftir skatt. Hetta er væl meira enn í 2022, tá ið avlopið var 27,9 milliónir kr. eftir skatt. Úrslitið er somuleiðis væl omanfyri tær 170-250 milliónir krónurnar, sum metingarnar fyri 2023 søgdu.

Høvuðsorsøkin til góða úrslitið hjá samtakinum er avkastið av virðisbrøvunum, ið gjørdist munandi betri enn væntað. Í 2022 rakti vánaliga gongdin á virðisbrævamarknaðinum samtakið meint, men í fjør góvu virðisbrøvini aftur eitt munagott íkast til úrslitið. Eisini var gott avkast av útlánsvirkseminum, boðar Betri frá í tíðindaskrivi. 

Er kopiera
Nýggjastu sendingar í ÚV
Hósdag 23. mai
RagnarRokk 23.mai 2023
174510
Hósdag 23. mai
RagnarRokk: Mark Tornillo um Humanoid
174509
Hósdag 23. mai
Jazzofonin - Ron Carter
175494
Hósdag 23. mai
Lesikrókurin: Hvaðan kom kvinnan
175482
Nýggjastu sendingar í SV
Mikudag 22. mai
Dagur og vika - teknmálstulkað
175403
Týsdag 21. mai
Veðrið
175373
Mánadag 20. mai
Suð í Keypmannahavn
175066