BEINLEIÐIS LUTAKAST: EM-lagnan hjá føroysku hondbóltskvinnunum avgerast

Seinnapartin verður lutakastið til EM-endaspælið í hondbólti hjá kvinnum. 

Tá verður greitt, hvørjum Føroyar skulu spæla ímóti í endaspælinum, sum verður í november og desember í ár.

Eisini verður avgjørt, um føroyingarnir skulu spæla bólkaspæl í Basel í Sveis, Innsbruck í Eysturríki ella í Debrecen í Ungarn.

>> HYGG AT LUTAKASTINUM HER

Føroyar í niðasta styrkisbólki

Talan er um fyrsta endaspælið hjá føroyska landsliðnum við kvinnum, og tær eru í fjórða og lægsta styrkisbólki til lutakastið seinnapartin.

Tað merkir, at Føroyar ikki koma í bólk saman við Kekkia, Ukraina, Turkaland, Portugal og Slovenia.

Ísland, sum Føroyar taptu tepurt fyri bæði heima og úti í undankappingini, eru í styrkisbólki 3, meðan Svøríki, sum fekk ein harðan dyst í Føroyum í apríl, er í ovasta styrkisbólki.

foroyar_lutakast.png

Landsliðsvenjarin, Claus Mogensen, segði við Portal.fo, at hann ynskir sær Ísland ella Norðurmakedónia úr 3. styrkisbólki, og annars eina av vertstjóðunum. Bakspælarin, Súna Krossteig Hansen, vildi eins og landsliðsvenjarin fegin sleppa at royna seg ímóti Íslandi eina ferð afturat. Tað segði hon við Portal.fo.

Kringvarpið sendir lutakastið beinleiðis í sjónvarpinum frá klokkan 16:45.