Rumbul í Ríkisfelagsskapinum til EM-endaspælið hjá hondbóltskvinnunum

Stórur spenningur var í dag um, hvørjar tjóðir Føroyar skulu spæla ímóti til sítt fyrsta EM-endaspæl í hondbólti hjá kvinnum sum verður í Sveis, Eysturríki og Ungar um mánaðarskiftið november-desmeber.

Lutakastið var í Wien í Eysturríki seinnapartin, og tá avtornaði endaðu føroysku hondbóltskvinnurnar í bólki D saman við Danmark, Sveis og Kroatia. 

Ein sera spennandi bólk, har hondbóltsstórmaktin Danmark er favorittur. 

Greitt er eisini, at Føroyar skulu spæla sínar dystir í sveisiska Basel. 

Rumbul í Ríkisfelagsskapinum

EM-endaspælið verður leikt í døgunum 28. november til 15. desember í Basel í Sveis, Innsbruck og Wien í Eysturríki og Debrecen í Ungarn.

Føroyar spæla fyrsta dystin fríggjadagin 29. november, sum verður móti vertstjóðini Sveis í Basel. 

Sunnudagin 1. desember er Kroatia mótstøðuliðið, og tveir dagar seinni, týsdagin 3. desember, verður rumblið í Ríkisfelagsskapinum. Tá skulu føroysku hondbóltskvinnurnar royna at koppa donsku hondbóltsstjørnunum.