Brúktu 2.430 milliardir dollarar uppá kríggj í fjør 

Tað er dýrt, tá tað er ófriður í heiminum. 

Heimurin brúkti sjey prosent meira uppá krígsførslu í 2023, enn í 2022. 

Tað er størsta hækking í 15 ár. 

Brúktar vóru 2.430 milliardir dollarar uppá kríggj. 

Hetta skrivar Reuters. 

Nato, tanks, stríðsvognar

NATO-londini standa fyri 55 prosentum

Tað vísir nýggjasta frágreiðingini hjá svensku granskingarfyritøkuni, Sipri, sum er ein óheftur stovnur, ið granskar í ósemjum, krígsførslu, trygd og friði.

Nato-landini standa fyri 55 prosent av samlaðu útreiðslunum. 

USA, Kina og Russland brúka flest pengar uppá hernaðarligt virksemi. 

Sambært granskingarstovninum hækkaðu hernaðarútreiðslunar hjá Russlandi við 24 prosentum í fjør.

Tær vóru 109 milliardir dollarar. Hernaðarligu útreiðslurnar hjá Ukraina vóru 65 milliardir dollarar. Harafturat fekk landið hernaðarstuðul fyri 35 milliardir dollarar.