- Tíðindi, mentan og ítróttur
Størri ferðsla í øllum undirsjóvartunlunum
Størri ferðsla í øllum undirsjóvartunlunum
Serliga í Sandoyartunlinum er ferðslan nógv størri, enn mett var, tá farið varð undir tunnilin
![](https://kvf.fo/sites/default/files/styles/grein-ovasta-mynd/public/vagatunnilin-5-denoiseai-denoise_11.jpg?itok=Mpdyde8U)
3048 bilar koyrdu í meðal í Vágatunlinum um samdøgrið í apríl.
Mynd: Bjarni Árting Rubeksen
03.05.2024 - 10:58
Størri ferðsla var í øllum fýra undirsjóvartunlunum í apríl enn í mars.
Í Norðoyatunlinum var miðaltalið 4373 um samdøgrið. Hon var 4089 í mars.
Í Vágatunlinum var miðaltalið 3048. Tað var 2857 í mars.
Ferðslan í Sandoyartunlinum er framvegis nógv størri enn mett var, tá farið var undir tunnilin.
Ferðslan er dupult so nógv, sum tá var mett. Í miðal koyrdu 933 bilar um samdøgrið í Sandoyartunlinum í apríl. Talið í mars var 919 bilar um samdøgrið.
Í Eysturoyartunlinum var miðaltalið 6.083 í apríl. Í mars var miðaltalið har 5.904 um samdøgrið.
Nýggjastu sendingar í ÚV
Nýggjastu sendingar í SV