Uppskotið um fosturtøku møguliga aftur fyri tingið

Tað er als ikki ósannlíkt, at Bjarni Kárason Petersen, landsstýrismaður, fer at leggja uppskotið um fosturtøku fyri tingið aftur í ólavsøkusetuni.

Tað segði hann í stuttari samrøðu við Kringvarpið í dag.

Í Danmark og øðrum grannalondum verður í løtuni arbeitt við at broyta fosturtøkulógina soleiðis, at kvinnur kunnu taka fosturtøku líka til 18. viku. 

Spurningurin er so, um hetta fær nakra ávirkan á, um landsstýrismaðurin ætlar at royna málið aftur longu í næstu tingsetu.