Stúra fyri, at í minsta lagi 670 fólk eru deyð í skriðu í Papua Nýguinea

Hildið verður, at í minsta lagi 670 fólk hava latið lív í einum stórum skriðulopi í Papua Nýguinea í Suðurkyrrahavinum.

Skriðan rakti fleiri enn 150 hús, sum nú liggja undir seks til átta metrar av móru.

Tað sigur leiðarin hjá ST-felagsskapinum fyri migratión í Papua Nýguinea, Serhan Aktoprak, við avstralsku tíðindastovuna, ABC News.

Papua Nýguinea liggur norðan fyri Avstralia.

Støðan er framvegis hættislig og ótrygg í økinum, sigur leiðarin hjá ST-felagsskapinum.