Hálvtannað ára treytaleysa fongsulsrevsing fyri neyðtøku

Ein maður fyrst í tjúgunum fekk hálvtannað ára treytaleysa fongsulsrevsing í Føroya rætti í morgun.

Hann var ákærdur og dømdur fyri neyðtøku, fyri oralsex, sum hann noyddi ein javnaldrandi kvinnu til á einum vesi í einum skeinkingarstaði í Havn 10. mars í ár.

Maðurin noktar seg sekan.

Hann er vístur úr Føroyum. Hann hevur ikki loyvi til at koma higar í tíggju ár.

Ákæruvaldið kravdi tvey ár

Maðurin var fluttur í varðhaldið eftir, at hann fekk dómin í morgun.

Ákæruvaldið kravdi tvey ár.

Maðurin er dømdur eftir lógini um, at sex krevur samtykki.

Eftir gomlu lógini hevði hann fingið minni enn eitt ár.