Tólv býta 10 milliónir stuðulskrónur

Tólv verkætlanir hava fingið 9,9 mió. kr. í stuðli til gransking frá Granskingarráðnum.

39 umsóknir komu. Søkt var um 36 mió. kr.  

Av teimum 12 verkætlanunum eru sjey ph.d. verkætlanir. 

67 prosent av verkætlanarleiðarunum eru kvinnur og 33 prosent menn.

Størsti stuðulin er 1,6 milliónir.

Hann fingu Pætur Zakariasson til Ph.d. verkætlan, sum eitur "Frá firring til luttøku - ein kanning av fráveru og luttakandi virki í undirvísingarumhvørvum í Føroyum" og Helena L. Mortensen til Ph.d. verkætlan, sum eitur "Náttúra og veðurlagskreppa úr barnaeygum - ein vistgreinandi og frásagnarfrøðilig viðgerð av nýggjum føroyskum skaldskapi".