Atlantsflog fyrireikar seg til at flyta fráferðir og komur

Hjá Atlantic Airways umrøða tey í løtuni, hvussu tey gera, um Starvsfelagið fer í samhugaverkfall týsmorgunin. Starvsfelagið hevur lýst samhugaverkfall, men bíðað verður nú eftir úrskurðinum hjá Fasta Gerðarrætti, um samhugaverkfallið er lógligt ella ikki. 

Undir øllum umstøðum hevur Vága Floghavn loyvi til at hava opið sum vanligt í átta samanhangandi tímar, sjálvt um tað er verkfall.

Sáttmálin millum Starvsfelagið og Vága Floghavn sigur, at hóast verkfall kann flogvøllurin vera opin fyri vanligum rakstri í átta samanhangandi tímar um dagin, og flogvøllurin skal eisini vera opin fyri sjúkraflutningi, bjarging og leiting. Um Starvsfelagið fer í samhugaverkfall, rakar tað millum annað neyðugar tænastur sum sløkkiliðið og security, tey kalla, í Vága Floghavn.

Hoyrið samrøðu við Jóhonnu á Bergi, stjóra í Atlantic Airways: