MEST er ein metur ov stutt

Skipasmiðjan MEST er bókstaviliga ein metur ov stutt til at kunna bjóða seg fram at byggja nýtt havrannsóknarskip til Danmarks Tekniske Universitet.

DTU og havrannsóknarskip

Soleiðis fer nýggja, danska havrannsóknarksipið at síggja út. (Mynd: Knud E. Hansen)

- Vit hava allar royndirnar og meta okkum vera kappingarfør. Men vit lúka ikki eina, púra óviðkomandi áseting, í útbjóðingartilfarinum, sigur Mouritz Mohr, stjóri í Mest.

Mouritz Mohr, MEST, 16:9

Mouritz Mohr, stjóri á MEST. (Mynd: Bjarni Árting Rubeksen)

Skipasmiðjan MEST bygdi Jákup Sverra, sum varð liðugur í 2020, og við hesi royndini í skjáttuni ætlaði MEST at bjóða upp á danska havrannsóknarskipið.

Hoyr innslag í útvarpstíðindunum:

Jákup Sverri, havrannsóknarskip

Havrannsóknarskipið Jákup Sverri. 

Kringvarpið hevur fyrrapartin spurt Danmarks Tekniske Universitet, hví kravið um at byggja júst 55 metrar langt skip stendur í útbjóðingartilfarinum. 

Í einum fyrsta, skrivliga svari sigur Fritz Køster, stjóri fyri DTU Aqua, ið stendur fyri útbjóðingini, at tey júst nú umhugsa at endurskoða krøvini í útbjóðingartilfarinum.