![](https://kvf.fo/sites/default/files/styles/myndasavn-width/public/bustadir_2_0.jpg?itok=HO1_2QNj)
- Tíðindi, mentan og ítróttur
12.000 kr. í leigu fyri 83 fermetrar frá Bústøðum
12.000 kr. í leigu fyri 83 fermetrar frá Bústøðum
Depositum er góðar 34.000 krónur, sum skal rindast, tá sáttmálin verður undirskrivaður
![](https://kvf.fo/sites/default/files/styles/grein-ovasta-mynd/public/bustadir_6_0.jpg?itok=FzZuI6nK)
Íbúðirnar hjá Bústøðum á Heimasta Horni í Havn eru nú útleigaðar.
17.06.2024 - 09:03
Tær 22 íbúðirnar hjá Bústøðum á Heimasta Horni í Havn eru nú útleigaðar.
Tað upplýsa Bústaðir fyri Kringvaprinum.
Leigan fyri íbúðirnar, sum eru umleið 83 fermetrar brutto, er 11.300 kr. Haraftrat skal gjaldast fyri orkunýtslu: 500 krónur fyri hita og fyri el.
Samlaða gjaldið kann tí roknast við at fara væl upp um 12.000 krónur.
34.000 kr. í depositum
Depositum er góðar 34.000 krónur, sum skal rindast, tá sáttmálin verður undirskrivaður.
Bústaðir hava 22 íbúðir á Heimasta Horni.
17. mai fingu 600 fólk á bíðilistanum tilboð um at leiga íbúðirnar. 10 tóku av, og skrivaðu undir sáttmála 3. juni.
4. juni fingu 871 fólk á bíðilistanum tilboð um at leiga, og tá vóru hinir 12 leigusáttmálarnir gjørdir.
Nýggjastu sendingar í ÚV
Nýggjastu sendingar í SV