Lestrarstuðul gevur nú størri barsilsstuðul

Tey, sum júst eru liðug at lesa, fáa skjótt somu tøku inntøku frá Barsilsskipanini, sum tey fingu í lestrarstudningi. 

Studningur er ein skattafrí inntøka.

Men Barsilsskipanin roknar alla inntøku sum skattskylduga A-inntøku. 

Tá studningurin verður tikin við í útrokningargrundarlagið hjá Barsilsskipanini, fáa tey nýútbúnu nógv minni í tøkari inntøku í barsilsgjaldi, enn tey fingu í studningi.

Men hetta er nú broytt, so tey fáa tað sama í barsilsgjaldi, sum tey fingu í lestrarstudningi.

Stutt freist av góðum grundum

Uppskot um kunngerð um, hvussu barsilsgjaldið verður roknað, er sent til hoyringar.

Freistin er stutt, hon er bara til 9. juli á middegi.

Men tað hevur sína orsøk, sigur Umhvørvismálaráðið.

Tí broytingin kemur í gildi 1. juli.

Og fyrsta útgjaldið sambært henni er síðst í juli.