Álopið við Sandá: Varðhaldsfongslingin longd fýra vikur

Maðurin, sum var tikin fyri at leypa á eina kvinnu á Argjum sunnukvøldið 28. apríl, er varðhaldsfongslaður í fýra vikur aftrat.

Tað góðtók hann sjálvboðin, so hann skuldi ikki í rættin. 

Ein kvinna var álopin á gøtuni við Sandá, eystan fyri fótbóltsvøllin á Argjum.

Ein maður var tikin eitt korter eftir álopið. Hann var tikin í kirkjugarðinum við Velbastaðvegin.

Maðurin, sum er skuldsettur fyri álopið, noktar seg sekan.

Politiið kannar framvegis málið.