Sirið Stenberg: Tjóðsavnið má fáa varandi goymsluloysn

Ein samd fíggjarnevnd hevur játtað 1,4 mió kr. í eykajáttan til Tjóðsavnið, sum skal tryggja gripirnar á savninum, nú blámusoppur er staðfestur í goymsluni.

Støðan á Tjóðsavninum er álvarsom, og tí kom fíggjarnevndin saman í dag, hóast løgtingið er farið í summarfrí.

Sirið Stenberg, landsstýriskvinna í almanna- og mentamálum, fegnast um, at øll fíggjarnevndin tók undir við at játta pening til Tjóðsavnið. 

Sirið Stenberg, samgongufundur

Sirið Stenberg, landsstýriskvinna. (Mynd: Bjarni Árting Rubeksen)

Tjóðsavnið og blámusoppur

Gripir á goymsluni eru fongdir av blámusoppi. (Mynd: Bárður Veihe)

Nú fer eitt størri arbeiði í gongd við at reinsa lutirnar. Men umframt bráðfeingis broytingarnar í goymsluviðurskiftunum, hevði tað verið best, um Tjóðsavnið fekk nýggj høli til at goyma mentanararvin í. Tað segði stjórin á Tjóðsavninum, Herleif Hammer, við útvarpið í gjár.

Hesum tekur Sirið Stenberg undir við:

Einaferð skal Tjóðsavnið fáa nýggj høli, men nær tað verður, kann Sirið Stenberg ikki siga. Fyrst skal nýggj goymsla fáast til vega, og síðani skal savnsøkið skipast: