Viðmerkjari: Valsigurin hjá Labour ikki serliga sannførandi

Bretski arbeiðaraflokkurin vann stórsigur á parlamentsvalinum í Bretlandi í gjár.

Labour hevði fingið  412 av teimum 650 sessunum í parlamentinum, tá bara tvey valdømi vóru eftir at telja.

Regin Berg

Regin Berg, stjórnmálafrøðingur.

Bert 60 prosent av teimum gott 48 mió fólkunum, sum høvdu valrætt í gjár, vóru á vali.

Men hóast stórsigur í tingmannatali, er sigurin hjá Labour kortini ikki serliga sannførandi, heldur Regin Berg, stjórnmálafrøðingur, sum hevur fylgt valinum úr Skotlandi:

Liz Truss

Liz Truss var konservativur forsætisráðharri eitt stutt skifti í 2022. Í gjár fall hon á parlamentsvalinum. 

Fyrrverandi bretski forsætisráðharrin, Liz Truss, var ikki afturvald á parlamentsvalinum í gjár. 

Liz Truss umboðaði Konservativa flokkin. Hon misti sessin til Labour-flokkin.

Liz Truss var forsætisráðharri eitt stutt skifti á heysti 2022, áðrenn hon fór frá, og Rishi Sunak tók við sum forsætisráðharri. 

Sigurin hjá Labour ger enda á konservativu leiðsluni í Bretlandi seinastu 14 árini.

Fyrrapartin boðaði Rishi Sunak frá, at hann leggur frá sær sum forsætisráðharri og formaður fyri Konservativa flokkin.