Arktis fær breiðband

Størsta rúmdarverkætlan í Noregi, Space Norway, skjýtur í næstu viku upp tveir stórar fylgisveinar, sum kunnu veita Arktis breiðband.

Tað skrivar Space Norway í tíðindaskrivi, sambært NRK.

Fylgisveinarnir verða skotnir út frá Vandenberg Space Force Base í Kalifornia í USA við eini Falcon 9 rakett frá SpaceX.

- Hetta er higartil størsta rúmdarverkætlan, og er byrjanin til nýtt tíðarskeið fyri norska rúmdarferðing. Tá ið fylgisveinarnir eru komnir í røttu ringrás og tillagingar eru gjørdar, kunnu vit veita øllum Arktis samskifti um breiðband, sigur norski verjumálaráðharrin Bjørn Arild Gram.