Heimsins fólkatal toppar í 2080'unum

Gitnaðarførið í nøkrum av heimsins størstu londum, til dømis Kina, minkar. Og tað fer at hava við sær, at fólkatalið í heiminum fyrst fer at vaksa, og síðani at minka aftur.

Miðskeiðis í 2080'unum fara 10,3 milliardir fólk at búgva á jørðini, men so fer heimsins fólkatal at minka aftur, og áðrenn 2100 er tað komið niður á 10,2 milliardir.

Tað vísir ein nýggj frágreiðing, sum ST gav út hósdagin.

Ein grund til, at fólkatalið toppar og síðani verður minni aftur, er, at fertilitetstalið ella gitnaðarførið í nøkrum av heimsins størstu londum, til dømis Kina, minkar.

Tølini í nýggju frágreiðingini eru 700 milliónir fólk færri enn í eini líknandi frágreiðing frá 2013, skrivar Ritzau.