Fyrrverandi CIA-starvsfólk skuldsett fyri njósning

Eitt fyrrverandi starvsfólk í amerikonsku fregnartænastuni CIA og í amerikanska trygdarráðnum er skuldsett fyri njósning til frama fyri Suðurkorea.

FBI hevur avhoyrt Sue Mi Terry, og hon hevur játtað, at hava latið suðurkoreisku fregnartænastuni upplýsingar, m.a. hondskrivað upprit frá einum fundi við amerikanska uttanríkisráðharran, Antony Blinken, tá ið amerikanski politikkurin viðvíkjandi Norðurkorea var høvuðsevni.

Sambært skuldsetingini, útflýggjaði hon eisini Suðurkorea aðrar loyniligar upplýsingar.

Hon tosaði inniligt um Suðurkorea í samrøðum, og gav suðurkoreiskum embætisfólkum atgongd til amerikanska stjórnarbólkin.