Niels Jørgen Nielsen er nýggjur rakstrarleiðari hjá SSL

Niels Jørgen Nielsen er settur í starvið sum rakstrarleiðari hjá Strandfaraskipum landsins.

Niels Jørgen Nielsen bleiv skipsførari í 1989.

Hann var síðani í 12 ár stýrimaður og skipsinspektørur hjá A.P. Møller. 

Frá 2013 til 2019 var hann yvirstýrimaður og avloysaraskipari á Smyrli.

Eina tíð var hann stýrimaður á Norrönu.

Tá Skipaeftirlitið, sum nú er Sjóvinnustýrið, var yvirtikið, var Niels Jørgen Nielsen í fýra ár sýnsmaður har. 

Hann hevur eisini verið próvdómari hjá Akstovuni og lærari á Vinnuháskúlanum og á Brandskúlanum í nógv ár.