Nevnd skal geva loyvi til at kanna PKU-kort

Ein nevnd skal nú veljast at taka avgerðir, um granskingarverkætlanir kunnu fáa loyvi at granska í PKU-kortskránni. 

Fýra fólk skulu veljast í nevndina, og tað ger landsstýriskvinnan í heilsumálum.

Tvey fólk umboða Heilsustýrið, ein kliniskur varastjóri í Sjúkrahúsverkinum verður í nevndini, og eitt fólk umboðar 
Heilsugranskingareindina í Sjúkrahúsverkinum.

Stjórin í Heilsustýrinum er formaður í nevndini. 

Nevndin verður vald fyri fýra ár í senn.

Heilsustýrið skipar, umsitur og mennir PKU-kortskránna. 

Umsóknir um loyvi til gransking í PKU-kortskránni vera sendar Heilsustýrinum. 

Áðrenn loyvi verður givið til gransking, skal Vísindasiðseminevndin hava góðkent granskingarverkætlanina. 

Fyri at fáa atgongd til gransking í PKUkortskránni, skal granskingarverkætlanin hava munandi samfelagsligum týdning.

Hon skal koma við týðandi íkasti til føroyska heilsugransking, sum kann koma føroyska fólkinum til gagns, sigur kunngerðin um PKU-kortini.