Ukrainski uttanríkisráðharrin leggur frá sær

Ukrainski uttanríkisráðharrin, Dmytro Kuleba, hevur biðið um at verða loystur úr starvi, skrivar Reuters.

Tingið fer væntandi í dag at atkvøða um uppsøgnina, sum vanliga bert er formlig.

Sambært Reuters, er uppsøgnin hjá Kuleba partur av størstu stjórnarbroytingum í Ukraina, síðani Russland gjørdi innrás í landið fyri 30 mánaðum síðani.

Reuters skrivar, at helst koma fleiri umbønir um at vera loyst úr starvi næstu dagarnar, nú fimm ráðharrar løgdu frá sær í gjár, í sambandi við nýggja byrjan, áðrenn veturin kemur, verður sagt.