- Tíðindi, mentan og ítróttur
Meritt-útbúgving til eldraøkið við
At størsta kommuna í landinum er farin undir at útvega starvsfólkum sínum atgongd til meritt-útbúgving á dagstovnaøkinum, kann eisini føra til, at starvsfólk á eldraøkinum fáa líknandi tilboð.
Tað er ið hvussu er tað, Annfinn Brekkstein, formaður í mentamálanevndini í Tórshavnar kommunu, nú skjýtur upp.
Í løtuni taka 21 starvsfólk hjá kommununi eina sokallaða meritt-útbúgving frá VIA University College í Viborg, so tey við fjarlestri eftir hálvumfjórða ári kunnu fáa prógv sum námsfrøðingar.
- Meritt-útbúgvingin er skipað soleiðis, at lisið verður heimanífrá á netinum, og talan er um tilsamans sjey semestur, har tú ert niðri eina viku í byrjanini og eina viku í endanum, sigur Annfinn Brekkstein.
Tekur sjey ár í Føroyum
- Trupulleikin við førleikamenning, so hjálparfólk kunnu uppstigast til námsfrøðingar í Føroyum, eru krøvini um eina miðnámsútbúgving, so fólk tilsamans skulu brúka sjey ár, áðrenn tey standa við einum prógvi.
Meritt-útbúgvingin er snøgt sagt ikki til í Føroyum, so tí hevur Tórshavnar kommuna verið noydd at leita sær út um landoddarnar eftir henni. Nú vísir tað seg, at eisini aðrar kommunur leita sama veg sum Tórshavnar kommuna.
- Tá ið vit í februar komandi ár stovna ein flokk aftrat, eru eini 12-15 fólk við í skipanini, sum koma úr øðrum kommunum, sigur Annfinn Brekkstein.
New div after blockquoteHer kanst tú hoyra samrøðu við Annfinn Brekkstein:
0 seconds of 0 secondsVolume 90%Press shift question mark to access a list of keyboard shortcutsKeyboard ShortcutsShortcuts Open/Close/ or ?Play/PauseSPACEIncrease Volume↑Decrease Volume↓Seek Forward→Seek Backward←Captions On/OffcFullscreen/Exit FullscreenfMute/UnmutemDecrease Caption Size-Increase Caption Size+ or =Seek %0-9
