Privatu miðlarnir ilskast

- Nú er valskeiðið hálvrunnið og tað hómast eingin vón fyri, at hetta landsstýrið bøtur skaðan. Heldur tvørturímóti er ætlanin at gera skaðan størri, skrivar Eirikur Lindenskov.

Hann sigur, at tá ið so eitt nýtt landsstýri kom til og nýtt samgonguskjal varð skrivað, hómaðist ein bati, tí nú skuldu umstøðurnar hjá privatu miðlunum bøtast.

Men tvørturímóti finst blaðstjórin á Sosialinum at Sirið Stenberg fyri at arbeiða beint ímóti hesum.

Eirikur Lindenskov undrast stórliga á, at ein politiskt útpeikað nevnd heldur pengum aftur til privatar miðlar, sum ikki vilja upplýsa keldur og háttalag fyri nevndini:

- Tað eru dømi um, at miðlar eru bidnir um hetta, sum slett onga meining gevur í einum frælsum miðlalandslagi, sigur hann og vísir í oddagreinini á, at “bløðini verða slept upp á fjall og teir siðbundnu miðlarnir sigla sín egna sjógv”.

- Ein møguleiki kann sjálvandi vera, at tíðin er farin frá bløðunum og teimum siðbundnu miðlunum, men tað er ikki eitt mál, ið viðkemur Sirið Stenberg, sigur hann.

Her kanst tú hoyra samrøðu við Eirik Lindenskov: