Viðmerkjari: Landsstýriskvinnan eigur at leggja frá sær

Landsstýriskvinnan í bústaðarmálum eigur at leggja frá sær, áðrenn løgmaður noyðist at siga hana úr starvi.

Tað metir Árni Gregersen, politiskur viðmerkjari, sum var í Breddanum fyrrapartin. 

- Málið fer at skapa so mikið nógv órógv í samgonguni, at tað fer at tarna politiska arbeiðnum í alt heyst, heldur Árni Gregersen.

Árni Gregersen

Árni Gregersen.

Løgmaður ger ongar viðmerkingar

Landsstýriskvinnan hevur fingið longda freist - til 7.oktober - at gera sínar viðmerkingar til fyribils niðurstøðuna hjá landsstýrismálanevndini.

Við útvarpið í dag sigur Aksel V. Johannesen, løgmaður, at hann ger ikki viðmerkingar til málið um Indilín D. Strøm, fyrr enn endaliga niðurstøðan fyriliggur.

Løgmaður ger samstundis greitt, at hann fer ikki at taka nøkur stig, fyrr enn hann hevur sæð endaligu niðurstøðuna.

Hoyr innslag í útvarpstíðindunum:

Allur Breddin kann hoyrast her.