Kris Kristofferson er deyður, 88 ára gamal 

Maðurin og Føroyavinurin, ið skrivaði hitt sum  “Sunday Mornin’ Comin’ Down,” “Help Me Make it Through the Night,” “For the Good Times” og “Me and Bobby McGee”, Kris Kristofferson, er farin í annað ljós.

Tað skriva AP tíðindastovan. 

Eitt talsfólk fyri familjuna boðar sambært AP frá í telduposti, at Kris Kristofferson andaðist stillisliga í heimi sínum Malibu, kringsettur av sínum nærmastu. 

Eingin deyðsorsøk blív upplýst. Hann var 88 ár. 

Nógv stór hitt

Nógvir av kendastu sangunum hjá Kris Kristofferson er mest kendir frá innspælingum hjá øðrum. Eitt nú framførdi Ray Price “For the Good Times” og Janis Joplin gjørdi “Me and Bobby McGee” til eitt verðinshitt..

Umframt at vera ein countrystjørna, so var Kris Kristofferson eisini ein Hollywood filmsstjørna. Hann spældi saman við Ellen Burstyn í Martin Scorsese-filminum frá 1974 “Alice Doesn’t Live Here Anymore,”, og saman við Barbra Streisand í filminum “A Star Is Born” frá 1976. Í nýggjari tíð er hann kendur frá filminum “Blade” frá 1998, har Kris Kristofferson spældi saman við Wesley Snipes.

Kris Kristofferson vitjaði í Føroyum, seinast í 2017, tá hann millum annað framførdi á G! festivalinum.