Herða eftirlitið við markið millum Danmark og Svøríki

Hetta hendir eftir, at tveir tannáringar mikudagin lupu á ísraelsku sendistovuna í Danmark við hondspreingjum, - hondgranatum. 

Teir vórðu handtiknir í einum toki á høvuðsjarnbreytarstøðina í Keypmannahavn mikudagin. Sambært løgregluni vóru menninir á veg til Týsklands.

Menninir, sum eru ávikavist 16 og 19 ár, eru skuldsettir fyri at hava fimm hondgranatir í varðveitslu og fyri at hava sprongt tvær av teimum nærindis ísraelsku sendistovuni í Hellerup í Keypmannahavn. Sambært danska kringvarpinum, nokta menninir seg sekar, men eru í løtuni varðhaldsfongslaðir.

Tannáringarnir eru nú skuldsettir fyri yvirgang.