Pengar til ung at brúka til umhvørvi

15 til 30 ára gomul í Norðurlondunum kunnu nú søkja um fígging til verkætlanir um umhvørvi og lívmargfeldi.

Norðurlandaráðið, Norðurlendska ráðharraráðið og Dansk ungdoms fællesråd hava stovnað grunnin Nordisk Ungdomspulje for Biodiversitet og Klima.

Dansk ungdoms fællesråd umsitur grunnin.  

Ætlanin við grunninum er at veita átøkum, sum norðurlendskur ungdómur tekur stig til, stuðul.

Hesi átøk kunnu vera til dømis upplýsing, kanningarferðir í náttúruni, námskeið og menning av veðurlagspolitikki.

Søkjast kann um millum 25.000 og 250.000 danskar krónur.

Í grunninum eru tríggjar milliónir og 54.000 kr.

Umsóknarfreistin í fyrra umfarinum er til 27. oktober í ár.