Politiið noyðist at hjálpa fólki, sum stríðast sálarliga

Politiið í Havn brúkti alla náttina til eitt fólk, sum tað ikki fekk sent víðari.

Politiið sendi fólkið til hús klokkan eitt korter til sjey í morgun, og síðani hevur verið friður.

Hetta hendir meira enn so, at politiið noyðist at hjálpa fólki, sum stríðast sálarliga. 

Politiið hevur ikki útbúgving, ella allar førleikar til at fáast við fólk, við avbjóðingum av slíkum slag, sigur vaktleiðarin hjá politinum.

Men politiið noyðist at taka sær av teimum, tí ongastaðni er at senda tey, sigur vaktleiðarin.