FC Suðuroy enn eina uppflyting

Í 2015 flutti FC Suðuroy niður úr bestu fótbóltsdeildini, og síðan tá hevur liðið úr sunnaru helvt av Suðuroynni verið heilt niðri í triðbestu deildini og vent.

Men næsta ár verður FC Suðuroy aftur í bestu deildini - enntá eftir at hava flutt upp tvey ár á rað. Tað var longu greitt eftir næstseinasta umfarið.

- Sum uppflytari setir ein sær sjáldan beinanvegin sum mál at flyta upp einaferð afturat, og tað gjørdi FC Suðuroy heldur ikki, sigur Pól Thorsteinsson, venjari hjá FC Suðuroy.

Lopið úr 2. deild upp í Betrideildina upp á tvey ár er stórt, og tað er ikki óhugsandi, at FC Suðuroy fer at leita sær eftir styrki fram til næsta kappingarár.

Við FC Suðuroy upp í Betrideildina kemur TB, so Suðuroyggin aftur hevur tvey av teimum tíggju liðunum har.

Hoyr samrøðu við Pól Thorsteinsson her: