Tilboð komin um ráðgeving og projektering at klæða umsitingarbygningin

Løgtingið hevur fingið tilboð um ráðgeving og projektering í sambandi við arbeiðið at gera klædningin á umsitingarbygninginum hjá løgtinginum.

Fýra veitarar vóru bidnir um at koma við tilboði.

Tá avgjørt er, hvussu arbeiðið skal gerast, verður tað boðið út.  Arbeiðið skal byrja næsta vár.

Betongið í umsitingarbygninginum er kannað. Niðurstøðan er, at tað er ov vánaligt til at festa pláturnar beinleiðis á tað.

Tí má onnur loysn finnast. 

Petti duttu niður á gongubreytina

Fyribils standa glaspláturnar í kjallaranum í bygninginum hjá Havnar arbeiðarafelag, sum løgtingið leigar. Pláturnar vóru tiknar niður í apríl og mai.

Beint fyri ólavsøku í fjør duttu petti av einari plátu niður á gongubreytina við Tinghúsvegin.

Og fyrr í fjør summar datt ein pláta av á hinari síðuni á bygninginum. 

Glaspláturnar komu í 2006.