- Tíðindi, mentan og ítróttur
Stjórin í Magn farin frá - talan er um innanhýsis mál
Stjórin í Magn farin frá - talan er um innanhýsis mál
Finn Jakobsen fer úr starvinum beinan vegin, og Christian Nagata, næstformaður í Magn, verður fyribils stjóri
Finn Jakobsen hevur verið stjóri í Magn síðani 2020.
12.11.2024 - 17:31
Orkufelagið Magn skal hava nýggjan stjóra.
Tað boðar felagið frá í dag.
Magn skrivar, at avtala er gjørd millum nevndina í P/f Magn og Finn Jakobsen, at hann fer frá sum stjóri. Finn Jakobsen hevur verið stjóri síðani 2020, og frammanundan var hann tekniskur stjóri.
Finn Jakobsen fer úr starvi beinanvegin.
Fyribils stjóri verður Christian Nagata, næstformaður í P/f Magn. Christian Nagata hevur undan næstformanssessinum verið nevndarformaður í Magn frá 2006 til 2015, og frammanundan var hann fíggjarstjóri.
Christian Nagata. (Mynd av Facebook-vanga)
Vit hava ringt til nevndarformannin í Magn, Jan Petersen og spurt, um nøkur ósemja er grundarlag undir avtaluni. Hann hevur einki at leggja aftrat skrivinum, men sigur, at tað snýr seg um eitt innanhýsis mál í Magn.
Magn fer nú undir tilgongdina at søkja eftir nýggjum stjóra, sum skal taka við skjótast gjørligt.
Er kopiera
Nýggjastu sendingar í ÚV
Nýggjastu sendingar í SV
