Formansskapurin viðger støðuna við Landsstýrismálanevndini

Løgtingsstjórin heldur, at meirilutin í Landsstýrismálanevndini í sambandi við viðgerðina av málinum um Ingilín D. Strøm týðiliga hevur víst, at hann ikki hevur álit á umsitingini í Løgtinginum.

Tað hevur hann skrivað eina frágreiðing til formansskapin í Løgtinginum, og formansskapurin hevur tikið málið til viðgerðar.

Tað stendur at lesa í gerðabókini hjá formansskapinum, sum kann lesast á heimasíðuni hjá Løgtinginum, logting.fo.

Kringvarpið hevur tosað við bæði Bjørt Samuelsen, løgtingsforkvinnu, og Johnhard Klettheyggj, løgtingsstjóra, men hvørgin teirra vil siga nakað sum helst um málið.

Lurta eftir øllum innslagnum, sum varð sent í tíðindasendingini á nátturða í kvøld.