Snýt: Bókhaldari fekk boð frá stjóranum um at flyta pengar

Í gjár fekk politiið enn eina fráboðan um snýt ella roynd at snýta í telduni.

Bókhaldarin hjá einum virki í Havn fekk teldupost frá stjóranum um flyta sum skjótast 9.700 evrur, góðar 72.300 krónur.

Men bókhaldarin flutti ikki pengarnar, tí telduposturin var ikki frá stjóranum, men frá einum, sum ætlaði at snýta, kom bókhaldarin eftir.

Politiið fær nógvar fráboðanir um slíkt.

Summi flyta ikki pengar, sum tey vera biðin um, men so eru nøkur, sum gera tað.