Hoyringarfundir um Suðuroyartunnilin

Fyrsti av trimum almennum hoyringarfundum um Suðuroyartunnilin verður í Salti á Drelnesi í kvøld.

Á fundinum vera løgmaður, umboð fyri P/f Suðuroyartunnilin og Landsverk.

Aksel V. Johannesen, løgmaður, fer at greiða frá politisku semjuni, lógaruppskotinum og fíggingarleistinum.

P/f Suðuroyartunnil hevur frágreiðing um Suðuroyartunnilin og tilhoyrandi tunnils- og vegakervi í Suðuroynni. 

Og Landsverk hevur frágreiðing um møguligar loysnir í sambandi við tilhoyrandi verkætlanir í Sandoynni.

Í annaðkvøld verður fundur á Mørkini miklu á Sandi og mikukvøldið í Finsen í Havn.

Freistin at koma við viðmerkingum til uppskotið um Suðuroyartunnil er 6. desembur.