Tekur undir við at leingja uppihaldsloyvi til ukrainsk flóttafólk

Rættarnevndin hjá løgtinginum tekur undir við at leingja uppihaldsloyvini hjá flóttafólkunum úr Ukraina til 17. mars 2026, sum landsstýrismaðurin í lógarmálum hevur skotið upp. 

Rættarnevndin sigur einki benda á, at kríggið í Ukraina endar skjótt. 

Tí hava fólk úr Ukraina enn tørv á friðskjóli.

Talan er um ríkislógartilmæli, tí lógin er donsk.

Atkvøðast skal um málið á tingfundinum í dag.

Atkvøðast skal eisini um átta onnur tingmál í dag.

Tingfundurin í dag er klokkan eitt.