Toni Dam: - Ger tær eina greiða venjingarætlan

Karamellurnar standi frammi, marispangrísar verða gjørdir og sósin er obligatorisk. Jólamánaðurin kann hava við sær, at vit fitna.

Toni Dam, persónligur venjari, sigur, at tað ræður um at finna ein leist, sum riggar hjá tí einstakia Eitt nú kann tað hjá summum vera snilt, at søtmeti ikki stendur frammi allan dagin.

Um tú ynskir at fara undir regluliga venjing, er motivatión neyvan nóg mikið.

Toni Dam vísir á stóra kanning, sum kom eftir, at tað besta er, at tú gert tær eina greiða ætlan.

Skriva heilt ítøkiliga niður nær, hvar og hvat tú ætlar at venja.

Fortel gjarna tínum næstu, hvat tú hevur sett tær fyri.