Politiskt ódnarveður millum USA, Danmark og Grønland

Rættiligt stórpolitiskt ódnarveður hevur tikið seg upp, har sambandið millum USA, Danmark og Grønland er komið til skarpskeringar.

Í gjár vildi Donald Trump ikki útiloka, at hann fer at brúka hervald ella fíggarligan tvingsil til at fáa tamarhald á Grønlandi.

Hesi boðini komu eftir, at sonur Trump, Donald Trump yngri var á stuttari vitjan í Nuuk í gjár.

Í Grønlandi eru fólk ikki á einum máli um hesa vitjan og um møguligu ætlanirnar hjá komandi forsetanum.

Landsstýrisformaðurin, Mute B. Egede, tekur støðuna í stórum álvara. Danska kringvarpið stóð fyri honum í floghavnini í Kastrup í gjár:

Kann broyta kjakið

- Hetta kann fara at broyta alt kjakið um Grønland sum sjálvstøðugt land.

Tað sigur Masaana Egede, ábyrgdarblaðstjóri og stjóri á grønlendsaka blaðnum, Sermitsiaq. 

Masaana Egede

Masaana Egede

Fólk í Grønlandi tóku ikki væl ímóti boðunum hjá Donald Trump, komandi forseta, tá hann ikki vildi útiloka, at hann fer at brúka hervald ella fíggarligan tvingsil til at fáa tamarhald á Grønlandi, sigur Masaana Egede:

Vitjanin hjá Donald Trump yngra í Nuuk í gjár var óvæntað. Sí videomyndir frá AP-tíðindastovuni:

Julius Sandgren var millum teirra, sum tóku ímóti Donald Trump yngra í Nuuk í gjár. Og hann læt væl at í samrøðu við danska kringvarpið:

Farin um mark

Ikki øll er líka fegin um tað, sum Donald Trump, komandi forsetin, segði eftir vitjanina hjá soninum í Nuuk.

Danska kringvarpið hitti eisini fólk, sum halda, at Trump er farin um mark: