NATO hevur eyguni eftir skuggaflota í Eystrasalti

NATO hevur eyguni eftir skuggaflota í Eystrasalti
Stigið verður tikið eftir fleiri hendingar í seinastuni, har sjókaðlar hava fingið skaða
Finski forsetin, Alexander Stubb, og NATO-aðalskrivarin, Mark Rutte.
Mynd: TT/Ritzau Scanpix  
 
14.01.2025 - 14:43

NATO fer at hava eyguni eftir skuggaflotanum í Eystursalti.

Aðalskrivarin í NATO, Mark Rutte, sigur á tíðindafundi í Finnlandi, at NATO fer at økja um átøkini í Eystrasalti.

Stigið verður tikið eftir fleiri hendingar, har sjókaðlar hava fingið skaða. Mark Rutte sigur hetta vera "ein vanda fyri týdningarmikið undirstøðukervi".

- Bara seinastu tveir mánaðirnar hava vit sæð skaða á ein kaðal, sum bindur Litava og Svøríki saman, ein annan, sum bindur Týskland og Finnland saman, og seinast eina røð av kaðlum, sum binda Estland og Finnland saman, segði hann á tíðindafundinum. 

Tí herðir NATO eftirlitið, sigur aðalskrivarin.

- Í dag hava vit samtykt at brúka nýggja tøkni í hesum átakinum, eitt nú ein lítlan flota av dronum til at styrkja eftirlitið og avbyrgingina, sigur Mark Rutte.
 

Er kopiera
Nýggjastu sendingar í ÚV
Nýggjastu sendingar í SV
Mikudag 5. februar
Dagur og vika - teknmálstulkað
187371
Týsdag 4. februar
Veðrið
187342
Sunnudag 2. februar
Ítróttafagnaðurin 2024
187188
Sunnudag 2. februar
Guðstænasta úr Kirkjubøar kirkju
187196
Fríggjadag 31. januar
Veðrið
187155