10 ár síðani stórkavan, ið legði so at siga alt landið lamið í 2015

Tað kavaði og kavaði og hetta merktiskt. Bjørt Isaksen stóð føst á Vestmannavegnum í nógvar tímar, Bygdafelagið Glæman í Kvívík lat dyrnar upp og borðreiddi við suppu, so fólk, sum høvdu rent seg føst í nógva kavanum, fingu okkurt heitt niðurum, og siglt var bæði inn á Toftir og til Vestmanna, soleiðis at fólk kundu koma til og frá - ti hetta var ógjørligt við bili.

Og tá tað so loksins kundi koyrast aftur, var tað í fyrsta umfarið sum rekkjukoyring.

Í hesari frásøgnini hoyra vit søgulig brot við Bjørt Isaksen, ið stóð føst á Vestmannavegnum, Hera Andreasen, politisti, Dánjal Paula Müller, Bygdahúsið Glæman í Kvívík, og Árna Jacobsen frá Landsverki.

Og Árni Jacobsen, økisleiðari hjá Landsverki, vitjar eisini í útvarpsstovuni, har ið hann greiður frá hesum trimum stórkavadøgunum í 2015.