Silver Dania leysgivið

Norska skipið Silver Dania, sum norskir myndugleikar í gjár løgdu hald á, er nú leysgivið.  

Tað varð afturhildið tí illgruni var um, at tað hevur okkurt at gera við at álvarsligur skaði kom á ein sjókaðal í Eystrasaltri.

Tað skrivar norska kringvarpið. 

- Løgreglan í Troms hevur framt nakrar kanningar og tryggja tað, sum vit meta er neyðugt havandi í huga fyrispurningin úr Lettlandi. Kanningararbeiðið heldur framm, men tað er ikki longur nøkur orsøk til at afturhalda skipið í Tromsø. Vit hava ikki funnið nakað sum setur skipið í samband við hendingina, sigur Ronny Jørgensen, løgfrøðingur hjá politinum í Troms við NRK.

Manningin telur 11, og allir eru russarar. Skipið er skrásett í Norra og tað eru norðmenn, ið eiga skipið. 

Skipið siglir vanliga millum Santa Pætursburg og Murmansk.