Viðurskifti við útheimin og innanhýsis stríð í Siumut seta dám á valstríðið

At formaðurin í Siumut vil seta ferð á sjálvstýristilgongdina í Grønlandi, er tekin um, at loysingarvongurin í flokkinum er styrknaður, heldur Gestur Hovgaard, professari

Erik Jensen er formaður í Siumut.

Hallur av Rana

07.02.2025 - 13:46

Viðurskifti við útheimin og innanhýsis stríð í stjórnarflokkinum Siumut hava higartil sett dám á valstríðið í Grønlandi.

Tað sigur Gestur Hovgaard, ph.d. í samfelagsvísindum og professari á lærda háskúlanum í Nuuk.

Gestur Hovgaard

Gestur Hoivgaard.

At spurningurin um framtíðarstøðuna hjá Grønlandi í ríkisfelagsskapinum fyllir nógv í valstríðnum, sæst í tí stríðnum, sum hevur verið í Siumut seinastu dagarnar um grein 21 í Sjálvsstýrislógini.

At formaðurin í Siumut, Erik Jensen, vil hava sett ferð á sjálvstýristilgongdina í Grønlandi, er tekin um, at víðgongdi loysingarvongurin í Siumut er styrknaður.

Og tað merkir, at ein gjógv nú hómast, hvussu stjórnarflokkarnir - Siumut og IA - ætla at halda fram á fullveldiskósini, sigur Gestur Hovgaard.

Hoyr innslag i útvarpstíðindunum:

07022025_Val_i_Gronlandi

Gestur Hovgaard var í Breddanum fyrrapartin.

Øll sendingin kann hoyrast her.