Danski verjumálaráðharrin hittir amerikanska starvsbróðurin í dag

Verjumálaráðharrarnir í NATO eru í dag á verjupolitiskum toppfundi í Brússel.

Nýggi amerikanski verjumálaráðharrin, Pete Hegseth, er við á fundinum, og hann og danski verjumálaráðharrin, Troels Lund Poulsen, hava avtalað fund í dag.

Troels Lund Poulsen sigur við DR, at tað er Pete Hegseth, ið hevur biðið um fundin.

Ætlanin er ikki at umrøða amerikanska áhugan fyri Grønalandi á fundinum.

- Eg havi ikki ætlanir um beinleiðis at umrøða Grønland á fundinum, tí skuldi eg tað, so haldi eg, at vit skuldu havt eitt umboð fyri grønlendska landsstýrið við, segði Troels Lund Poulsen við DR fyrrapartin.

Hinvegin væntar Troels Lund Poulsen at skula brúka orku at umrøða, hvussu Evropa, og harvið eisini Danmark, brúkar meira pengar uppá trygdina í Evropa:

Endamálið við fundinum hjá verjumálaráðharrunum er at umrøða trygdarstøðuna í heiminum, og fundurin heldur fram í morgin.