- Tíðindi, mentan og ítróttur
Russar eru samdir við USA
Russar eru samdir við USA
Talsmaðurin í Kreml sigur, at áskoðanin hjá Trump-stjórnini um Ukraina er betri fyri Russland enn áskoðanin hjá Biden-stjórnini
Dmitrij Peskov er talsmaður hjá russisku myndugleikunum.
Mynd: Ritzau Scanpix
20.02.2025 - 10:55
Russiskir myndugleikar eru púra samdir við nýggju stjórnina í USA um Ukraina.
Tað sigur talsmaðurin í Kreml, Dmitrij Peskov.
Hann staðfestir í dag, at áskoðanin hjá Trump-stjórnini er betri fyri Russland enn áskoðanin hjá Biden-stjórnini.
- Her eru vit púra samdir við amerikonsku umsitingina, sigur Peskov.
Sambært russiska talsmanninum, er semja um samskifti millum Russland og USA á øllum økjum, eitt nú um at býta um fangar.
Amerikanski forsetin, Donald Trump, hevur verið sera bersøgin um Ukraina seinasta samdøgrið.
Millum annað hevur hann skírt ukrainska forsetan, Volodymyr Zelensky, fyri 'einræðisharra'.
Er kopiera
Nýggjastu sendingar í ÚV
Nýggjastu sendingar í SV
