Prísurin á Wegovy í USA lækkar meira enn eina helvt

Heilivágsfyritøkan Novo Nordisk hevur gjørt av lækka prísin á Wegovy í USA meira enn eina helvt - úr 1.300 dollarum niður i 499 dollarar.

Wegovy fær fólk at lætna. 

Príslækkingin er meira enn fimm túsund krónur, skrivar Ritzau.

Novo Nordisk boðar frá, at fyritøkan hevur gjørt eina nýggja søluskipan. 

Kunnu keypa beinleiðis

Amerikanskir borgarar kunnu keypa Wegovy beinleiðis frá Novo Nordisk fyri 499 dollarar, 3.473 krónur um mánaðin.

Sostatt kunnu amerikanarar, sum ikki hava heilsutrygging, keypa heilivágin fyri lækkaða prísin. 

Fyri stuttum boðaði fyritøkan Eli Lilly, sum er kappingarneyti hjá Novo Nordisk, frá, at hon fer at herða kappingina um prísin á klænkiheilivági. 

Og síðst í februar lækkaði prísurin á Zepbound, sum er bíligasti heilivágur hjá Eli Lilly av hesum slagnum.