Sólrun og Jóannes nýggj í FSF-nevndini

Sólrun Hendriksdóttir Sørensen og Jóannes Prestá avloysa Fríðin Ziskason og Rúna Herup Olsen í starvsnevndini í Fótbóltssambandi Føroya.

Tað bleiv gjørt av á aðalfundinum hjá FSF í dag, har Róin Schrøter eisini bleiv afturvaldur í nevndina.

Tað var longu greitt áðrenn aðalfundin, at Sólrun Hendriksdóttir Sørensen fór at koma í nevndina, tí viðtøkurnar hjá FSF siga, at bæði kyn skulu veljast. Og eftirsum Sólrun Hendriksdóttir Sørensen var einasta kvinna, sum stillaði upp, kom hon í nevndina uttan atkvøðugreiðslu.

Men tað var harður dystur um hinar báðar nevndarsessirnar. Tá avtornaði, fekk Jóannes Prestá 21 atkvøður, Róin Schrøter fekk 19 atkvøður og Fríðin Ziskason fekk 17 atkvøður. Sostatt fer Fríðin Ziskason úr nevndini saman við Rúna Herup Olsen, sum ikki tók við afturvali hesaferð.
 

Hoyrið samrøðu við nýggju nevndarlimirnir her: