Ungarn tekur seg úr ICC

Ungarn tekur seg úr ICC
Viktor Orban, forsætisráðharri, boðaði frá hesum samstundis sum ísraelski forsætisráðharrin er á vitjan
Ungarski forsætisráðharrin, Viktor Orban, og ísraelski starvsbróðirin, Benjamin Netanyahu, sum hevur verið á vitjan í Ungarn.
Mynd: AFP/Ritzau Scanpix  
 
03.04.2025 - 14:51

Ungarn fer at taka seg burtur úr altjóða revsidómstólinum, ICC.

Tað segði ungarski forsætisráðharrin, Viktor Orban, á tíðindafundi í dag.

Tíðindafundin helt hann saman við ísraelska forsætisráðharranum, Benjamin Netanyahu, sum hevur verið á almennari vitjan í Ungarn.

Altjóða revsidómstólurin hevur givið boð um at handtaka Netanyahu, sum er ákærdur fyri krígsbrotsverk.

 

Dómstólurin ov politiskur

Men Viktor Orban hevur langt síðani boðað frá, at tað fer Ungarn ikki at gera. Og nú fer hann at taka Ungarn úr altjóða dómstólinum. Grundgevingin er, at dómstólurin er vorðin ov politiskur.

Nú Ungarn fer úr ICC, hevur dómstólurin 124 limalond.

Ísrael er ikki limur í ICC, men palestinska sjálvstýrið er, og tí kann ICC sambært dómstólinum sjálvum rættarsøkja Netanyahu.

Er kopiera
Nýggjastu sendingar í ÚV
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979