Suðuroyartunnilin: Privati tunnilsbólkurin biður løgtingið steðga á

Kristian Stórhamar heldur, at tingið eigur at brúka nakrar mánaðir aftrat at kanna bestu loysnina. Teitur Samuelsen sigur, at uppskotið er búgvið at taka støðu til

Kristian Stórhamar í privata tunnilsbólkinum og Teitur Samuelsen, stjóri í P.f. Suðuroyartunlinum, áðrenn teir fóru í Breddan fyrrapartin.

Jón Brian Hvidtfeldt

04.04.2025 - 13:09

Løgtingið eigur at steðga á og brúka nakrar mánaðir aftrat til at kanna bestu loysnina fyri ein komandi Suðuroyartunnil.

Tað heldur Kristian Stórhamar, sum umboðar privata tunnilsbólkin, ið síðstu mánaðirnar hevur arbeitt við alternativum loysnum og tunnilsleið.

- Lógaruppskotið er búgvið at taka støðu til, sigur Teitur Samuelsen, stjóri í P/F Suðuroyartunlinum.

Umframt sjálva linjuføringina, og hvar tunnilsmunnin skal vera í Sandoynni, heldur privati tunnilsbólkurin, at spurningurin um Skúvoynna skal kannast nærri. Sambært teimum kann ein loysn, sum eisini fevnir um Skúvoy, stytta byggitíðina umleið tvey ár.

Henda loysnin er ikki góð - hvørki tá ið ræður um trygd ella umhvørvi - og tí ikki eitt alternativ, heldur Teitur Samuelsen.

Kristian Stórhamar og Teitur Samuelsen vóru í Breddanum fyrrapartin.

Hoyr innslag í útvarpstíðindunum:

04042025_Kristian_og_Teitur

Hoyr allan Breddan her.