Frítekst tagging:
- Tíðindi, mentan og ítróttur
Høgni Hoydal í uttanlandsnevndina og Dennis Holm í fíggjarnevndina
Høgni Hoydal í uttanlandsnevndina og Dennis Holm í fíggjarnevndina
Tjóðveldi hevur valt limir í løgtingsnevndir av nýggjum
Høgni Hoydal er nýggjur limur í uttanlandsnevndini hjá Tjóðveldi. Hann er eisini í Norðurlandaráðnum.
10.04.2025 - 14:39
Løgtingið hevur skipað fleiri nevndir av nýggjum.
Erling Eidesgaard, sum ikki er í løgtinginum longur, var í útnorðurráðnum, Norðurlandaráðnum, og hann var eisini løgtingsgrannskoðari.
Høgni Hoydal er nýtt umboð í Norðurlandaráðnum fyri Erling Eidesgaard. Hervør Pálsdóttir er varalimur.
Bjørt Samuelsen, løgtingsforkvinna, er nýggjur limur í útnorðurráðnum. Varalimur er Annika Olsen.
Eisini hevur Tjóðveldi valt Anniku Olsen til løgtingsgrannskoðara.
Løgtingsforkvinnan er nú eisini limur í útnorðurráðnum.
Dennis Holm er nú limur í fíggjarnevndini.
Broytingar eru eisini framdar í uttanlandsnevndini, fíggjarnevndini og mentanarnevndini.
Høgni Hoydal verður limur í uttanlandsnevndini í staðin fyri Liljuna Weihe, sum verður varalimur.
Dennis Holm verður limur í fíggjarnevndini fyri Høgna Hoydal.
Og Hervør Pálsdóttir er nýggjur limur í mentanarnevndini fyri Dennis Holm.
Allar broytingarnar vóru samtyktar uttan atkvøðugreiðslu.
Er kopiera
Nýggjastu sendingar í ÚV
Nýggjastu sendingar í SV
